သားအိမ်ခေါင်းကင်ဆာ

ဆိုးကျိုးများနေတယ်ဆိုတဲ့ သားအိမ်ခေါင်းကင်ဆာ ကာကွယ်ဆေး ဂယက်နှင့် မြန်မာဆေးလောက အခြေအနေ

အိန္ဒိယ ဆေးသုတေသန ကောင်စီ (ICMR) သည် သားအိမ်ခေါင်းကင်ဆာ ဖြစ်ပွားစေသော HPV ဗိုင်းရပ်စ် ကာကွယ်ဆေး Gardasil အသုံးပြုနေခြင်းကို နိုင်ငံအတွင်း ရပ်ဆိုင်းထားရန် ကြေငြာချက် တစ်ရပ် ထုတ်ပြန်ခဲ့သည်။ အဆိုပါ Gardasil အမည်ရှိ ကာကွယ်ဆေးမှာ သားအိမ်ခေါင်းကင်ဆာ ကိုဖြစ်စေသော Human Papilloma Virus, HPV ခေါ် လိင်အင်္ဂါ ကြွက်နို့ရောဂါ ကာကွယ်ဆေးဖြစ်ပြီး GlaxoSmithKline ကုမ္ပဏီမှ ထုတ်လုပ်ကာ လက်ရှိ နိုင်ငံပေါင်းများစွာတွင် အမျိုးသမီးပေါင်းများစွာ ထိုးနှံနေကြသည်။

အိန္ဒိယ ဆေးသုတေသန ကောင်စီသည် ဤသားအိမ်ခေါင်းကင်ဆာ ကာကွယ်ဆေးကို ပြည်သူ့ကျန်းမာရေး စောင့်ရှောက်မှု အစီအစဉ်များတွင် အသုံးပြုနေခြင်းအပေါ် ၂နှစ်ကြာ လေ့လာခဲ့ပြီး ဆေး၏ ဘေးထွက်ဆိုးကျိုးများကို အမျိုးသမီး ၁၂၀ တွင် တွေ့ရှိခဲ့ရပြီး အငြင်းပွားဖွယ် သေဆုံးသူ ၄ ဦး ရှိခဲ့ခြင်းကြောင့် အထက်ပါ ကြေငြာချက်ကို ထုတ်ပြန်ရခြင်း ဖြစ်သည်ဟု ဆိုသည်။

ဤကာကွယ်ဆေးကြောင့် ဖြစ်ရသည်ဟု သေချာပေါက် အတည်မပြုနိုင်သေးသော်လည်း ဖြစ်နိုင်လောက်သည့် တွေ့ရှိရသော ဆိုးကျိုးများမှာ အစာအိမ်ဆိုင်ရာ ပြဿနာများ၊ ၀က်ရူးပြန်ခြင်း၊ ခေါင်းကိုက်ခြင်း နှင့် အရွယ်မတိုင်ခင် အပျိုဖော်စောဝင်ခြင်း စသည်တို့ ဖြစ်ကြောင်း အင်တာနက် သတင်းများအရ သိရသည်။ ထို့ပြင် အိန္ဒိယ နိုင်ငံအပြင် အခြားနိုင်ငံအချို့တွင်လည်း ထိုဆေး၏ ဆိုးကျိုးများတွေ့ရှိနေရသည် ဆိုသော သတင်းများ၊ လူပေါင်းများစွာ ဘေးထွက်ဆိုးကျိုးများ ခံစားနေရသည်ဆိုသော သတင်းများလည်း အင်တာနက် ကျန်းမာရေးစာမျက်နှာများတွင် တွေ့နေရသည်။

ထိုသတင်းနှင့်ပတ်သက်၍ ပြည်သူလူထုအနေဖြင့် ရှင်းလင်းစွာ သိရှိနိုင်စေရန် Mutdfan.com မှ HPV ဗိုင်းရပ်စ် ကာကွယ်ဆေးကို မြန်မာနိုင်ငံသို့ တင်သွင်းပြီး ထိုးနှံသော ၀န်ဆောင်မှုပေးနေသော ရန်ကုန်မြို့ရှိ နာမည်ကြီး ဆေးခန်းကြီးတစ်ခုသို့ ဆက်သွယ်မေးမြန်းခဲ့ပါသည်။ ဆေးခန်း၏ တာဝန်ရှိသူတစ်ဦးက လက်ရှိ မြန်မာနိုင်ငံတွင် အသုံးပြုနေသော သားအိမ်ခေါင်းကင်ဆာ ကာကွယ်ဆေးသည် အခြားနိုင်ငံများတွင် ဆိုးကျိုးများ တွေ့နေရသည်ဆိုသော Gardasil လုံးဝမဟုတ်ဘဲ Cervarix ဖြစ်ကြောင်း၊ မြန်မာနိုင်ငံတွင် Gardasil တင်သွင်း ထိုးနှံခြင်း လုံးဝမရှိကြောင်း၊ ၄င်း Cervarix ဆေးသည် Gardasil ကဲ့သို့ သားအိမ်ခေါင်းကင်ဆာ ဖြစ်စေသော အဓိက HPV ဗိုင်းရပ်စ် ၄ မျိုးစလုံးကို မကာကွယ်နိုင်ဘဲ ဗိုင်းရပ်စ်မျိုးစိတ် အမှတ် ၁၆ နှင့် ၁၈ ကိုသာ ကာကွယ်နိုင်သောကြောင့် Gardasil ထက်စာလျှင်တော့ ဘေးထွက်ဆိုးကျိုး နည်းနိုင်ကြောင်း၊ မည်သို့ပင် ဆိုစေကာမူ အဆိုပါကာကွယ်ဆေးများသည် မျိုးရိုးဗီဇ တည်ဆောက်မှု (Genetic Engineering) ခေါ် (Recombinant DNA Technology) နည်းပညာနှင့် တည်ဆောက်ထားသောကြောင့် ဘေးထွက်ဆိုးကျိုးများ ခံစားရနိုင်ကြောင်း၊ ထိုသို့ ဘေးထွက်ဆိုးကျိုးများ ရှိသည့်အပြင် ဆေးကလည်း တန်ဖိုးကြီးမြင့်သဖြင့် Pap Smear ခေါ် သားအိမ်ခေါင်းတစ်သျှူးစ စစ်ဆေးခြင်း ပြုလုပ်ပြီး အဆိုပါ ပိုးကူးစက်ခံရခြင်းမရှိမှန်း သေချာမှသာ Negative အဖြေထွက်မှသာ ထိုးသင့်ကြောင်း Mutdfan.com သို့ ရှင်းလင်း ပြောကြားခဲ့သည်။

ဆက်လက်၍ အဆိုပါ တာဝန်ရှိသူမှ Pap Smear စစ်ဆေးရာတွင် တိကျသေချာစေရန် သာမန်မိုက်ကရိုစကုပ်နှင့် စစ်ဆေးခြင်း အပြင် နောက်ဆုံးပေါ် နည်းပညာများဖြင့်ပါ စစ်ဆေးသော Pap Smear ၀န်ဆောင်မှုကို ၄င်းတို့ဆေးခန်းတွင်ပေးနေကြောင်း၊ ထိုသို့စစ်ဆေး၍ ပိုးမရှိကြောင်း Negative အဖြေထွက်လျှင် ကာကွယ်ဆေး ထိုးလိုက ထိုးနိုင်ပြီ ဖြစ်သော်လည်း အကယ်၍ မထိုးဘဲ နေလိုသေးလျှင်လည်း ၃ နှစ် စိတ်ချလက်ချ နေနိုင်ကြောင်း၊ ထို့ကြောင့် ဤကာကွယ်ဆေး ထိုးလိုသော အမျိုးသမီးများ အနေဖြင့် Pap Smear ဦးစွာစစ်သင့်ကြောင်း၊ ထိုကာကွယ်ဆေးများကို အနောက်နိုင်ငံများတွင် ၄င်းတို့၏ လူနေမှု ပုံစံများအရ မိန်းကလေးငယ်များ အရွယ်ရောက်သည်နှင့် တပြိုင်နက် ထိုးကြသော်လည်း အနောက်နိုင်ငံများနှင့် နှိုင်းစာလျှင် အပျိုစင်ဘ၀ကို လက်မထပ်မီအထိ ပိုမို ထိန်းသိမ်းထားနိုင်သော လိင်အဖော်အဖက် နည်းသော မြန်မာအမျိုးသမီးများ အနေဖြင့်တော့ ဤမျှလောက် အလောတကြီး ထိုးနှံရန် မလိုအပ်ဟု ထင်မြင်မိကြောင်း၊ ဤကင်ဆာသည် မျိုးရိုးလိုက်၍ လွှမ်းမိုးဖြစ်တတ်သော ကင်ဆာမျိုးလည်း မဟုတ်သောကြောင့် မျိုးရိုးရှိခဲ့သူများလည်း အရမ်းစိုးရိမ်စရာ မလိုသေးကြောင်း ပြောကြားခဲ့သည်။

သားအိမ်ခေါင်းကင်ဆာ ဖြစ်ရန် အန္တရာယ်များသောကြောင့် သားအိမ်ခေါင်းတစ်သျှူးစ စစ်ဆေးခြင်း ပြုလုပ်သင့်သော အမျိုးသမီးများမှာ လူနေမှုအဆင့်အတန်း နိမ့်၍ တစ်ကိုယ်ရည်သန့်ရှင်းရေး အားနည်းသူများ၊ အိမ်ထောင်စောစော ကျသူများ၊ အိမ်ထောင်ဆက် များသူများ၊ လိင်အဖော်အဖက် များသူများ၊ လိင်အဖော်အဖက်များသော အမျိုးသား၏ အိမ်ထောင်ဖက်များ၊ ဆေးလိပ်သောက်သူများ၊ လိင်အင်္ဂါကြွက်နို့ပေါက်ဖူးသူများ၊ ဓာတုပစ္စည်းများ နှင့် နေ့စဉ်ထိတွေ့နေရသော အလုပ်လုပ်ရသူများ စသည်တို့ ဖြစ်သည်ဟု ကျန်းမာရေးပညာရှင်များက လမ်းညွှန်ထားပါသည်။